औंंसाबाट हुने नोक्सानी कम गर्न विभिन्न उपायहरु अपनाउन सकिन्छ। त्यसमध्ये, मोहनी पासो अर्थात फेरोमोन ट्रयाप निकै उपयोगमा आएको पाईन्छ। उक्त पासो भित्र कपासमा करिब दश थोपा मिथाइल युजिनोल वा क्युुलुरलाई ५ देखि १० थोपा मालाथियन वा नुभानसगँ मिसाएर राखिन्छ। भाले झिँगाहरु गन्धको कारणले आर्कषित हुन्छन् र बिषादिको कारणले मर्छन्। म्याकफेल पासोमा भने प्रोटीनयुक्त चारो र पानी प्रयोग गरिन्छ। प्रोटिन कुहिन सुरुगरे पछि यसबाट निस्कने एमोनिया ग्यासँमा झिँगाहरु आकर्षित् हुन्छन् र पासोमा पर्छन्। पासो भित्र रुमल्लिएका झिँगाहरु पानीमा डुब्दछन् र मर्छन्। यस पासोबाट सबै प्रजातिका औंसाका भाले र पोथी झिँगाहरु आकर्षित् हुन्छन्। यदि सानो क्षेत्रमा खेती गरिएको छ भने फललाई कागजको थैला बनाएर छोप्न सकिन्छ जसले गर्दा माउ झिँगाले फलमा फूल पाउदैनन्। प्लाष्टिक घरमा खेती गरिएको अवस्थामा मसिना जाली हालेर झिँगाको प्रवेश रोक्न सकिन्छ। त्यसैगरी, फर्सी थिचेर त्यसको लेदो पनि औंसाको नियन्त्रणमा उपयोग गरेको पाईन्छ। त्यस्तै भिनेगर र भाडा धुने साबुन मिसाएर पनि पासोको रुपमा प्रयोग गर्न सकिन्छ।#ubjani#insects#fruitfly#damage#prevention#management#solutions

प्रतिक्रिया

सम्बन्धित खवर