कृषि मन्त्री घनश्याम भुसालले रसायनिक मल अभावको मुख्य कारण ठेकदारहरुको बदमासी नै भएको बताएका छन् । मन्त्री भुसालले प्रतिनिधिसभाको कृषि, सहकारी तथा प्राकृतिक स्रोत समितिमा सांसदहरुको प्रश्नको जवाफ दिंदै यसाे भनेका हुन ।
सरकारकाे तर्फबाट साउन अन्तिम मै मल ल्याएर किसानलाइ वितरण गर्ने याेजना मुताबिक काम अघि बढेपनि ठेकदारबाट धाेका पाइएकाे मन्त्रि भुषालले बताए।
बिगतमा ढिलाे टेन्डर प्रकृया सुरू हुन्थ्याे र मल अभाब हुन्थ्याे अहिले समयमै टेन्डरकाे प्रकृया पुरा भै सकेकाे थियाे , काेभिड लाइ बहाना गरेर बदमासी गरियाे कृषि मन्त्रिले ठेकदारलाइ अंकित गर्दै भने ।
साल्ट ट्रेडिङले साउन ४ भित्र नै ल्याएर वितरण भइरहँदा ठेकदारले कोरोनाका कारण समस्या भएको भन्नु अनुचित तर्क भएको उनको भनाइ थियो ।
कृषि सामग्री कम्पनीले दुई सप्लायर्सलाई सम्झाैता समय भित्र मल नल्याएकाे कारण कारबाही गरेको थियो । कृषि सामग्री कम्पनीले सार्वजनिक खरिद अनुगमन कार्यालय ताहाचललाई सोमबार पत्र पठाउँदै शैलुङ इन्टरप्राइजेट र होनिको मल्टिपललाई कालोसूचीमा राख्न यसै साता सिफारिस गरेको थियो ।
