आर्थिक बर्ष २०७८/७९ को बजेट अध्यादेश मार्फत आज सार्बजनिक गरिएको छ। राष्ट्रपतिले बजेट अध्यादेश ल्याएपछि नेपाल सरकारका अर्थ मन्त्री विष्णु पौडेलले बजेट प्रस्तुत गर्नु भएको हो।
आगामी वर्षको लागी कुल १६ खर्ब ७४ अर्ब ५७ करोड रुपैयाँको बजेट सार्बजनिक गरिएको हो। यो बर्ष कृषि तथा पशुपंक्षी क्षेत्रका लागि ४५ अर्ब ९ करोड रुपैयाँ बजेट विनियोजन गरेको छ। यो कुल बजेटको २.७३ प्रतिशत हो। चालु बर्षमा कुल बजेटको २.८ प्रतिशत अर्थात ४१ अर्ब ४० करोड बजेट कृषि क्षेत्रमा छुट्टाइएको थियो। यो वर्षको कृषि बजेट अघिल्लो वर्षको तुलनामा ८.९ प्रतिशतले बढि हो।
सरकारले आगामी वर्षको बजेटमार्फत मल खरिदका लागि १२ अर्ब रुपैयाँ बजेट विनियोजन गरेको छ, जुन अघिल्लो वर्षको भन्दा १ अर्बले बढि हो
